क)वि.सं. २०३१ सालमा रा.प्रा.वि. भरतपुरको शाखाको अनुमति पाएको यस विद्यालयमा २०३२ सालमा प्रा.वि., २०४० सालमा नि.मा. वि. स्वीकृत भई २०४६ मा प्रस्तावित मा.वि.को रुपमा कक्षा सञ्चालन अनुमति पाएको थियो । वि.सं. २०५१ सालको पुष १४ गते मा.वि. स्थायी स्वीकृति प्राप्त गरेको थियो ।
यस विद्यालयलाई स्थायित्व दिन र भौतिक निर्माण कार्य सम्पन्न गर्न विभिन्न समयमा अभिभावकहरुबाट उठेको चन्दा सहयोग, २०५२ को धान्याञ्चल ज्ञान महायज्ञ र २०६४ मा दोश्रो पटक विद्यालयमा आयोजित ऐतिहासिक धान्यञ्चल ज्ञान महायज्ञबाट १७ कठ्ठा १० धुर जमिन र सो जमिनमा ९ कोठे भवन निर्माण गरी २०६५÷६६ बाट वाणिज्य र शिक्षा संकायमा कक्षा ११ र १२ सञ्चालन भई विद्यालयको स्तरोन्नती भएको थियो । शिक्षा ऐनमा भएको आठौं संशोधन अनुसार विद्यालय शिक्षा ०–१२ भएकोले हाल कक्षा ०–१२ पुरानो भवनमा दिवा समयमा नै संचालन गरिएको छ । साधारण शिक्षाको अलावा ऋत्भ्ख्त् बाट सम्बन्धन लिई शैक्षिक सत्र २०७५ बाट प्राविधिक शिक्षा अन्र्तगत ३ वर्षे डिप्लोमा ईन सिभिल इञ्जीनियरिड्डको कक्षा सञ्चालन गरिएको छ ।
ख) भौगोलिक अबस्था
चितवन जिल्लाको सदरमुकाम भरतपुरबाट करिव १.८ कि.मि. दक्षिण तर्फ भरतपुर महानगरपालिका वडा नंं. ८ र ९ को सिमानामा वडा नं. ८ गौरिगञ्जमा यो विद्यालय अवस्थित छ । यस विद्यालयको पुर्वमा वन देवी वरण्डाभार सामुदायिक वन, पश्चिममा वडा नं. ७ कृष्णपुर, दक्षिणमा केरुङ्गा घोल र उत्तर तर्फ पुर्व पश्चिम राजमार्ग रहेको छ ।
ग) विद्यालय समुदायको पृष्ठभुमि तथा बनौट
यस विद्यालय सेवा क्षेत्रभित्र रहेका विभिन्न जातजातिगत बसोबासलाई हेर्दा विभिन्न जातजातिरुको मिश्रण रहेको पाइन्छ । यहाँको वरीपरि ब्राम्हण, क्षेत्री, दरै, थारु, गुरुङ्ग, मगर र दलितहरुको बसोबास रहेको छ । यहाँ हिन्दु धर्म मान्नेहरुको बाहुल्यता रहेको छ । त्यसका साथसाथै बौद्ध तथा क्रिश्चियन धर्मावलम्वीहरु पनि छन् । यस क्षेत्रको रितिरिवाज र संस्कृतिलाई नियाल्दा धेरै जसोले हिन्दु धर्म संस्कृतिका चाडपर्वहरु दशैं, तिहार,तिज, मुख्य र साउने संक्रान्ति र फागु पुर्णिमा विशेष रुपले मनाउछन् भने अन्य धर्मावलम्वीहरु जस्तै बौद्ध, क्रिश्चियनहरुले पनि आ–आफ्नो धर्म परम्परा अनुसारका चाडपर्वहरु मनाउछन् । बढ्दो शहरीकरण र बसाईसराईले गर्दा यस क्षेत्रको शिक्षा, धर्म, भाषा, रितिरिवाजलाई प्रत्यक्ष प्रभाव पारेको देखिन्छ । यसका साथै शिक्षाको बढ्दो निजीकरणले गर्दा निजी विद्यालय तर्फ अभिभावक तथा विद्यार्थीको आकर्षण बढेकोले यस विद्यालयमा विद्यार्थीको चाप न्युन रहेको छ ।
